“SAAN ka na naman pupunta, Hades?”
Napatigil ako sa paglabas ng mansion nang harangan ako ni Argus. Nakakunot ang noo nito sa akin habang pinagmamasdan ang itsura ko. Pinagtaasan ko siya ng kilay at bahagyang binundol para makadaan ako.
“Sa club lang,” tugon ko at nilagpasan na siya.
“Gabi-gabi ka na ro’n, ah?” May pagtatakang aniya na hindi ko na pinansin.
Mabilis akong sumakay sa motor ko at pinaharurot na ito. Matulin ang pagpapatakbo ko pero dahil gabi na ay wala naman akong nakabanggaan. Umusok ang kalsada nang mabilis ko ring i-park sa gilid ang motor ko.
Binato ko lang sa bouncer na nasa entrance ang susi at helmet ko. Pumasok na agad ako sa loob at nag-order ng maraming alak.
May mga babaeng lumingkis na kaagad sa akin pagkaupo ko palang. Hinayaan ko sila at hinapit pa an
