WE are now practicing for the contest. Medyo kakaiba nga lang dahil tahimik ang lahat. Napansin ko rin ang pagkailang ng choreographer habang ginagabayan kami sa paggalaw.
Hindi nito hinahayaan na dumikit ang kamay sa amin. Kapag magsasalita ay limitado lang. Kung kinakailangang sitahin kami ay doon lang siya magsasalita.
Parang hindi maganda na magkaroon kami ng practice.
Habang pinagmamasdan ko sila ay halatang paranoid ang itsura nila. Konting kibot ay papansinin nila at sumasama ang itsura. Mayroon pa ngang nag-away kanina kahit aksidente lang naman ang pagkakabangga sa isa.
“Wala akong pakialam, Laila, kung sadya ba ‘yon o hindi!” sigaw ni Heart.
Wala namang umawat. Pinanood lang nila ang dalawa na magsagutan. Ni hindi sumingit si Miss Sarah para patigilin ang dalawa.
“Ang
