"I'M SORRY if I shouted at you last night. Hindi ko lang napigil 'yung emosyon ko." Nag-a-almusal kami noon at si Reagan ay nakagayak na para pumasok sa opisina. Bagaman maaga pa rin naman akong gumising, nakahanda na ang almusal nang lumabas ako sa kusina. Ham, hotdog at tasty bread ang nakita ko roon. May sinangag din na sa kwarto pa lamang ay nanunuot na sa ilong ko ang amoy ng bawang na siyang paborito ko.
"Okay lang. Naiintindihan ko naman," nakatungo kong sabi.
"Galit ka ba?" Magkaharap kami sa mesa at ramdam ko ang paninitig niya kaya pinilit kong umakto ng kaswal.
"Ha? Hindi 'no! Bakit naman ako magagalit?" sabi ko pagkatapos ay isinawsaw ko sa kape ang natitirang tinapay sa kamay ko. Isinubo ko iyon at kitang-kita ko kung paano sundan ni Reagan ang kilos kong iyon. Para ban
