PARA akong nahipnotismo nang mapansin kong unti-unti siyang lumalapit sa akin habang ang mga mata ay hindi kumukurap at diresto ang tingin sa aking mga mata. Gusto kong magtatakbo sa kwarto pero tila naman may nagbulong sa akin na manatili roon sa harapan niya.
"Ano sa tingin mo, Luna?" tanong pa nito nang wala ng isang dipa ang layo namin sa isa't isa. Langhap ko na ang mabangong hininga niya. Nanunuot na rin sa ilong ko ang pamilyar na amoy ng gamit niyang pabango na siya lamang yata ang mayroon.
"A-anong sinasabi m-mo?" Pero hindi ito sumagot. Sa halip ay unti-unti nitong inilalapit ngayon ang mukha sa mukha ko. Patda ako. Hindi ko magawang kumilos at ang tanging naririnig ko lang nang mga sandaling iyon ay ang t***k ng puso ko. Hahalikan ba niya ako? O nag-iilusyon lamang ako? Pero
