REAGAN
TOTOONG nagulat ako sa biglaang pagdating ni Agatha. Sa tagal ng panahong lumipas na hindi kami nagkita, hindi ko na inisip na magbabalik pa ito at magpapakita pa sa akin. Sobrang sakit kasi ng ginawa nitong pag-iwan sa akin noon. Ni hindi man lang ito tumawag at basta na lamang umalis ng bansa na walang paalam. Umalis ito noon para sundin ang kagustuhan ng mga magulang na mag-aral at kumuha ng second degree sa America. Matanda sa akin ng dalawang taon si Agatha at ako ay kasalukuyan pang nag-aaral nang mga panahong iyon. Pero ang hindi ko matanggap ay ang parang wala itong pakialam sa mararamdaman ko sa pag-alis niya. Sobrang sama ng loob ko noon dahil mahal na mahal ko talaga siya. Kilala na siya ng Mama at Papa at ganoon din ako sa pamilya niya. Ang totoo ay binalak ko na talaga
