Malamig ang hangin habang umaakyat kami ng jeep papunta sa falls. Nasa loob sina Lianne at RJ, nagtatawanan. Habang si Paolo nag-aabot ng bayad kay manong driver. Si Sofia naman nasa tabi ko, suot ang summer dress at malaking sumbrero. Parang hindi siya galing Manila kundi taga-San Felipe talaga—ganoon siya kasaya.
“Excited ka ba?” halos pasigaw na niyang tanong dahil sa ingay ng makina.
Tumango ako. “Medyo. Matagal na rin akong hindi nakakapunta do'n.”
Nakangiti siya na parang may sariling liwanag. Kanina pa siya kinakausap ni Paolo tungkol sa mga waterfalls sa ibang bansa, at kahit ayaw kong isipin, halata sa mata niya ang interes.
Ako? Pinagmamasdan ang mga puno sa gilid ng daan, habang mahigpit na nakahawak sa bag ko. Nakangiti habang nakatitig sa mga ngiti ng bawat isa.
Pagdating
