Chapter 36
THIRD POV
TUMAWA si Marvin habang nakatitig sa hawak niyang paddle. Nagkabitak-bitak na ang kahoy, halos tuluyan nang mawasak.
“Wow,” sarkastiko niyang sabi, iniangat pa iyon sa ere. “Grabe. I didn’t expect that. Ang tibay ng katawan mo, Hayes.”
Para sa kanya, parang laro lang ang lahat. Parang eksena lang na puwedeng ulitin kapag nagsawa.
Biglang sumenyas si Jeric sa mga tauhan nila. Isang mabilis at malinaw na utos. “Patayuin n’yo.”
Nakatitig lang si Enna. Gusto niyang sumigaw pero walang tunog na lumalabas sa bibig niya. Takot at kaba lang ang nagsisiksikan sa dibdib niya, halos hindi na siya makahinga sa pagkakatitig kay Uno.
“Hindi ako aalis dito,” dugtong ni Jeric, malamig ang boses pero nanginginig sa galit, “na hindi man lang nakagaganti.”
Lumapit ang dalawang ta
