خفايا الحب ....8

1200 Words

#خفايا_الحب #بقلم_منى_المجبري #Part8 ____________________ _ التفتت "ايلول" وفتحت اعيونها على وسعهن ايلول"بصدمهه":انتتت زياد"خش وكله ثقه وبابتسامه جذابه": السلام عليكم رواد ومنيب:وعليكم السلام منيب :تعرفو بعضكم؟ زياد" برفعه حاجب": عز المعرفه ايلول" بقهر": هضا الدكتور الى اسعفني اول ماوصلنا منيب: هههه من امس ونا نقول وين شايفك صار هكي رواد: به تعرفتو توا كل واحد يشوف شغله انت يا منيب امشي مع زياد توا يوريك وانا ه ناخذ ايلول س. زياد "بحده": ايلول ه تقعد سكرتيرتي الخاصه وهيا الى ه تمشي معايا? رواد"بتفهم": تمام مش ه نختلفو ايلول "بصدمه": بس منيب"وهوا يفنص في ايلول": اتفقنا _ايلول.. حسيت شوي ويطلع من راسي بخار عصبني وصدمني بس اضطريت نسكت وذكرت كلام منيب الى زي السمم زياد برفعت "حاجب": وين سارحهه يا استاذة ايلول "بغصه": تبي حاجه زياد : الحقيني _ خش "زياد" للمكتب" وايلول "وراه زياد"وهوا مقعمز ورا المكتب": من يوم وغادي انتِ السكرتيره بتاعي ونا شغلى صعب وابسط غلطه راسك اطير فاهمهه ايلول "بخوف": فاهمه زياد: هي تفضلى برا في مكانك _شافتله" ايلول" بحقد وطلعت ايلول: ياربي ه نكملها هكي كيف انتعامل معاه هضا رواد" من وراها وشاد ضحكته": انسه ايلول ايلول "بِاحراج والتفتت": نعم رواد: من بكرا ه يبدا الشغل على اصوله نبيك اتشدي حيلك وتحملى زياد ايلول: ان شاءالله، عادي نروح توا رواد : تقدري تروحي بما ان مفش شغل _ايلول... ابتسمت ل رواد وفي داخلى واخيرا بنروح ونفتك من الحصله الى اسمه زياد خذيت شنطتي وطلعت ونا مخنوقه من كل الدنيا? خذيت ت**ي وطلعت على الفيلا ________________________ خلود:ميسو ميسم: اعيونها خلود: امتى ماشيه ياحنه ميسم" بارتباك": لما يجي زياد يقولى خلود: وشن بتلبسي ميسم" بِابتسامه"": زي العاده الزي الشرعي خلود: بس ميسم: مبسش لو يبيني ه يحبني زي ما انا ومستحيل نغضب ربي بيش يحبني شخص انا هكي ومش ه نتغير اهم حاجه حب ربي ليا خلود" بحب": تبيلي وقت طويل بيش نوصل للي انتِ فيه ميسم "بحب": ماعلى الله صعب حاولى بس ولازم تكوني واثقه في ربي وتوصلى للشيء هضا بحب ورضيء ونفسيتك متريحهه خلود: ان شاءالله ميسم "بضحكه": به هيا يا بطه نزقو الورد خلود: هيا خير من مده الوجهه?❤ _وطلعن البنات للجنان❤ ___________________________ منيب: فونك يرن يا رواد رواد" مسك الفون وتن*د": رتاج اكيد رانه على مصلحه منيب:? رواد: الو رتاج "بمياعه": رودي حبيب اختك رواد "بعصبيه": رتاج مطلعيش اجنوني قولى الملخص بلا كلام زايد كم تبي رتاج: هههههه 20 الف رواد "بقهر": متحلمش تاخذي ربع اجنييههه مني رتاج: الحمدالله بابي قاعد رواد: ههههههه مش ه يجيك ولا اجنيهه خليك متاكده رتاج: بس كيف ادير هكي كيف بنعيش انا و... _سكر" رواد" الخط والتفتت لقاء "منيب وزياد "يشوفوله _ زياد....صوت البنت كان عالى ومار عليااا متاكد هوا نفس الصوت، تعوذت من الشيطان وسألت الشباب ? زياد: وين ايلول رواد "بدون مبلاه": عطيتها اذن روحت زياد" بعصبية": من سمحلك تروحها اخر مره يصير شيء زي هضا يا رواد رواد "باستغراب": زياد كنك شن في؟ منيب: شكله اعصابه تالفه زياد : رواد مش بقصدي غير شكلي مش راقد كويس رواد: يمشي الجو يا غالى عليه عدي روح تريح شويا نتم شوية حاجات ومروح حتى انا زياد "بتذكر": به ، امتى تجيكم ميسم رواد: بتاع اصابع الباشا? زياد: ههههههه ايوا رواد: خليها تمشي توا عادي الخدم قاعدين زياد: خلاص نروح بيش انلحق نشيلها سلام الشباب: سلام ____________________ _خش" زياد"ولقاء البنات في الجنان زياد: السلام عليكم البنات: وعليكم السلام زياد: ميسم وتي روحك نغير ادبشي ونشيلك ميسم "بفرحه": حاضر خلود : ووو من قدك يا جميل ميسم: ههههه اسكتي وخليني نلبس خير ماينفصل عليا زياد خلود "بضحكه": ههههه هي البسي ونا نوتي الجره بيش نكبها وراكم?? ن ميسمم: هههههههه ربي يهد*كك _ ركبت "ميسم" غيرت ونزلت وكان "زياد "في سيارته الخاصه فتحت الباب وركبت معاه ___________?منى المجبري?_______________ ميس" بتأفف": خاطري نفهم عليش قالبه وجك ايلول: بعد الي صار كله وتقوليلي عليش قالبه وجك تي كان للانتحار حلال راه انتحرت ميس: تو تو تو حسستيني بالكئابة يابنتي الحياة ايزي ياعزيزي? ايلول: ه ه ه معش تعوديها ميس "بتفاهه": نعودها مانعودهش هذي ماتمسكيهش عليا? ايلول: بارده هههههههههه خليني في حالي معش ضحكيني ميس: غير هيا بطلى جو سن اليأس وتعالي نطلعو في الجنان نشوفو الطبيعهه الخلابهه? ايلول: به أمري لله ه نمشي بالك نتريح من دوتك شويا _ طلعن البنات، قعمزت "ايلول" قدام الورد وشفاتلهه ودمعتها نزلت كانت في ورده واخذه جانب بروحهها حست بوحدتها الي زي الورده هيا عايشه مع ناس غريبين ? ومش متقبلينها ، اما" ميس "قعدت تجري وتعيط بهبال?‍♀️ __________________________ منيب: خلاص كملت هكي رواد: تمام بكل عندك خبره الحق بكرا نكملو الباقي منيب: نعجبك ماتخفش _ قطع حديثهم مكالمة فيديو من" رتاج"، سكر" رواد" في وجهها وهوا يتن*د بضيق منيب" بفضول':من هذِ رواد: اختي وعايشه برا هيا نروحو منيب "بتفكير": ربي يحفظها هيا نجيب الملف ونلحقك... _وطلعو الشباب للفيلا _____________________ زياد: انزلى ولا تبي عزومه ميسم "بإرتباك": ههه لا غير متحشمه زياد: متخفش اول ماتخشي توا تلقي الخدم اكيد رواد موصيهم ميسم : ان شاءالله _ فتحت "ميسم" الباب ونزلت وسكراته وخشت للفيلا من بعد مامرت على الحرس _ميسم.... شفت بنتين استغفرالله لين اعيوني طلعن حسيت روحي للحظه مش في ليبيا! ميسم: السلام عليكم ميس&ايلول" باستغراب"وعليكم السلام ميسم: معلش وين رئيسة الخدم ميس" بابتسامه": تعالي توا نخشك عندها _ بادلتها "ميسم" نفس الابتسامه وخشت امعاها اما "ايلول" قعدت على وضعهاا? _________________________ _انضمو لقروبي الخاص? منى المجبري(روايات ليبية) _______________________ ميس" بفضول": ممكن نسالك ميسم: تفضلي ميس: شن تبي فيها رئيسة الخدم ميسم: انا بنت جبريل ال.. وامس استاذ رواد كان متعشي عندنا وكنت دايره نوع موالح وحبه وطلب من خويا اني نجي ونعلمه لهن ميس" بغيره": اها فهمت ،به عرفيني عليك ميسم: اسمي ميسم مواليد 2000 قريب ه نبدا نقرا الشريعة الاسلامية ميس: مشاء الله انا ميس و.... بالنسبه للقرايا موقفه بس ه نقرا لغات ان شاءالله ميسم بابتسامه: ان شاءالله _ وخشن للمطبخ وبدت" ميسم "اطيب "وميس "والخدم يشوفولها ________________________ _ درس "رواد" سيارته ونزل هوا ومنيب رواد" بصدمه": زياد كنك ماخشيت ياراجل فيش ادير في الشمس زياد : منقدرش نخش وانت وعمي مش قاعدين منيب "بهزوه": هههههه خايف تاكلك الفيلا ولا شن زياد" بحده": كل واحد وتربيته وانا متربي ان اي مكان له حرمته وعيب نندعب هكي وخلاص رواد: به ياصاحبي اهو انا وصلت هي تفضل معايا _ خشو الشباب والتفتت" ايلول" بخوف واستغراب رواد : ايلول فيش اديري ايلول "بارتباك": انتف*ج على الورد رواد بابتسامه: حتى هوا رائي منيب" بدون اهتمام" : نستاذن منكم يا شباب رواد : اذنك معك وانت يا زياد خش للمربوعه توا نجيك نغير بس زياد" بثقه": متريح هنا وخوذ راحتك انت على قولتك انا مش غريب? _ ابتسم" رواد "وفهم على" زياد "وخش وسيبه مع "ايلول"، قعمز رواد مسافه مش بعيده واجد من" ايلول" الى واضح عليها الخوف والحيره.... _____________________________ _رواد ..... مريت من جنب المطبخخ واففف شميت بنه الوكال قبل بنخش بس وقفت ورديت لما لقيت أخت زياد متدينه وخفت نحرجها❤ وكملت طريقي... ________________________ _في ايطاليا منعم "بصوت واطي": دزي الفلوس وبطلى بخل الشخص: والله مازال محصلتش شيء دوبا واصلين منعم" بتهديد" ه نعطيك اسبوع لو مادزيتيش ه نفضح كل حاجه وعارفه مكانك في النهايهه ه يكون الحبس لو حكيت وه تنفضح عيلتكم الشخص" بدموع": لا بالله عليك اصبر اه يوصلك كل شيء منعم : تمام _ سكر "منعم "الخط بعصبيه والتفتت وجمد من الصدمهه منعم: ن نهاد نهاد" بابتسامه صفره": نعم منعم" بحيره": تبي حاجه نهاد : لا غير نشرب اميه ونخش _نهاد... خش وتن*دت بخوف تعمدت أن نكون عاديه بيش ميحسش بشيء وانا وراه وه نعرف شن السر ومن الى يحكي معاهاااا?? ___________________________ _...يتبع.. بقلم:#منى_المجبري #ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه?? #متابعه_للايميل_انظمام_الى_قروب منى المجبري(روايات ليبية)+دعوه للاصدقاء #تفاعل_مهم

Free reading for new users

Scan code to download app

App Store Google Play

Facebookexpand_more