خفايا الحب...7

1110 Words

#خفايا_الحب #PART7 ................................... ميسم "بحب": ربي يحفظه هوا وضحكته خلود: العب يلا على الحب ميسم: اسكتي خير مانديرك كوره ونلعب بيك ونعزقك من روشن? خلود"باستغراب": خلاص به خفت على المهم من هضا الى مع زياد ورواد ميسم: اكيد صاحبهم المهم ان زياد ورواد متفقين وجوهم حلو خلود: ربي يجمعكم ويطلع ولد حلال يارب وينفع لك ميسم "بحب": يارب لو فيه شر اصلحه ليا يارب وعدل حاله وقربه مني يارب خلود" بتاثر": يا رب يارب يارب ميسم "بضحكه": به هي نخشو راه يفطنلنا زياد خلود "بهبل": ده ه ينفخنا ياختشييي? _______________________ رواد "وفمهه معبي" : شن هضا يقتل طعمتهه زياد" بضحكه": صحتين اسمه غريب شويا جبريل: هضا الى ادير فيه ميسم زياد: ايوا رواد: شن اسمه زياد: اصابع الباشا رواد: هههههههه متاكد اسمه هكي خالد: ههههههه عادي زي اصابع زينب رواد "بتفكير": بعد اذنكم نبيها تجي تعلمها للخدم لو مافش مانع زياد: هههههه مفش مانع بعدك ميسم تحب تعلم الغير وه تفرح لما نحكيلها رواد: خلاص اتجي بكرا زياد : ان شاءالله _كملو اكل وروح" خالد،اسماعيل،زياد،رواد" ________________________ _في "الليل" تهاني" بقهر": كنك ماعندك افلوس زيه مش باتك وباته خوت اسماعيل: باتي يريحهن في القمار والسفر وفلس تهاني: ونا نقول انت طالع المن طلعت ل باتك اسماعيل : ريحينا وحطي لسانك في فمك واسكتي تهاني : لازم دير حل حتى نا نبي انتريح ونعيش زي الناس اسماعيل : ههههههه معناها خليني نصرف انا تهاني: كيف يعني اسماعيل"بخبث ": الى اسمها ايلول خليها شوري تهاني: شن دخل ايلول توا اسماعيل: ايلول جمالها يدير عرم مشاريع تهاني: خليها في حالها مزال كم سنه وتقعد اكبر دكتورة اسماعيل : ايلول ه تشتغل سكرتيره والطب تنساه . تهاني "بصدمه": كيف تنساه اسماعيل"بخبث": هذِ شوري? تهاني: إلا ايلول انت فاهم ايلول بنتي مانتحملش فيها شيء اسماعيل: كذبتي الكذبه وصدقتيها انا لو مش عشان ه ننحطو في الحبس راه عزقتها ل هلها? تهاني" بدموع": اسكت خليني نرقد اسماعيل" بخبث": تصبحي على خير هههههه ____________________________ ام اشناف: اتفقتو على الشغل جبريل: الحمدالله بكرا ه يفتحها رواد الشركه الجديده زياد" بتردد": وانا معاه باذن الله جبريل "بصدمه": كيففف شن غير رايك زياد: فكرت ولقيت لازم نساعدك ونمسك الشغل جبريل "بفرح": واخيرا ربي يثبت عليك العقل خلود" بفضول": من الى جاء اليوم زياد: عمي خالد ورواد ووحدين يقربولهم جاين من برا و قاعدين عندهم ميسم" بخوف": رجاله بس زياد: لا معاهم صبايا ميسم" بضيق":اها زياد: بعد خطرها بكرا ه نشيلك لهم ميسم : عليش زياد"" بضحكه ": رواد عجبنه اصابع الباشا ويبيك تعلمي الخدم الطريقه ميسم" بفرح": ان شاءالله زياد: هي تصبحو على خير الكل: وانت من اهل الخير _ ركب "زياد" ومن بعده البنات ________________________ _انضمو الى قروبي الخاص منى المجبري(روايات ليبية) ______________________ _ايلول.. فتحت اعيوني بتعب شفت جنبي لقيت ميس منسجمه وتف*ج على تلفزيون، نضت وراسي مصدعهه خشيت دوشت وطلعت لبست الاسدال وصليت الى فاتني ميس" بهبل": هيا نطلعو انديرو جوله في ه الفيلا ايلول" بتعب": جسمي مت**ر ميس: غير هيا حتى تحركي خير من ال**ل وبعدين يا نكد في حد يرفض يتف*ج ويعرف زوايا ه الفيلا ايلول "بفضول": به هي قدامي يا عزوز? _ طلعن البنات وتف*جن وفاتحات افوامهن من جمال المنظر ميس "بهبل": محلاها نطاطه ايلول" بتحذير": ميسس رد بالك لالا ميس "بضحكه": غير هيا مفش حد ناخذو كم نطه على حالنا ايلول "بضحكه": هيا قولتك يا طفله _ميس... ركبنا زي الهبال وبدينا انطو وضحكتي فضيحهه وفجأه صوت رجولى يخالط ضحكاتنا رواد" بسخريه": مشاءالله فاتحين ملاهي ايلول "بحشمهه": اس اسفين من انت ميس: هههههههه ديما طالع انت رواد: انا رواد ولد خالد ابلاس اها تقدري تقولى جني هكي ميس: شن تبي?توا رواد "بضحكه": سلامتك بس ممكن تخشن ترقدن لان هرجتكن واجده ونا مش متعود على الهرجهه ونبي نرقد ميس" بضحكه": مع الايام اتعود? ايلول "بحشمه": اسفين على الازعاج ليلتك سعيده وخيي رواد : الله على الذوق ياريت اتعلمي يا انسه ميس من ايلول ميس" بغيره": انا الذوق كله بس مع الى يستاهل يا قليل ذوق _ شدت" ميس" يد" ايلول "ومشت بيها لجناحهن وسيبت "رواد" في مكانه ميت ضحك على طفولتها رواد: هههههه طفلههه ___________________________ "ثاني يوم الصبح" منيب "بنعاس": صباح الخير اسماعيل+خالد+ رواد: صباح الخير اسماعيل: هي أنشط بيش تمشي مع رواد منيب: والى اسمها ايلول اسماعيل" بتذكر": نوض واعيها وخليها تلبس على السريع رواد "باستغراب": بس مزال اليوم الافتتاح اسماعيل: تمشي تساعدكم وتعرف شن شغلها خالد: صح كلام اسماعيل وبعدين ه تقعد سكرتيرتك الخاصه لازم تعرف كل شيء عن شغلك رواد: ان شاءالله _ ناض" منيب" بحقد ومشي ل" ايلول" ______________________________ _ فتحت "ميس" اعيونها على صوت تخبيط ميس "بنعاس": ايلول ايلول ايلول "بنعاس": ها ميس: نوضي افتحي الباب ايلول: مش شوري ميس : تف مافي منك فايده _ فتحت "ميس" وهيا تهزب ميس"وهيا تشوف للساعه": منيببب شن تبي منيب"دف ميس وخش": وينها الى ماتسمه ميس" بعصبيه": اهي راقده شن تبي على الصبح منيب"وهوا يخبط في ايلول": هي هي انتِ نوضي نوضي تحسابيه حوش بوك هوا ايلول" بحزن": شن تبي منيب: نوضي البسي اليوم اول يوم في شغلك يا حلوه ولا نسيتي ايلول" بخوف": اي شغل منيب: سكرتيره هيا بسرعه ايلول "بقهر": منبيشش انا دكتوره وبس منيب" بعصبيه وكرها من شعرها": دكتوره انسيها ونوضي اشتغلى بالطيب خيرلك وبعدين من ه يصرف عليك ياحلوه من يوم وغادي انتِ الى ه تصرفي على روحك يا بنت الشارععع ميس "بعصبيه وتأثر": سيبها يا حقير ايلول:? منيب"بوقاحهه" : بسرعه عندك 10 دقائق وتكوني قدامي و البسي اقصير وملفت ههههههه _ طلع" منيب" وخبط الباب وقربت" ميس "وحضنت "ايلول "المجروحهه ايلول "بدموع": يارب نموت يا رب خوذني ميس: اسسسس مابعد الضيق إلا الف*ج وسعي بالك بس ايلول : ه نشتغل ونكمل قرايه ونشوف يا انا يا هما _ ناضت أيلول خشت للحمام يكرم القاري دوشت وتوضت وطلعت ادت فروضها ولبست ونزلتلهم وفي عيونها نظره شر? __________________________ _زياد.. فتحت اعيوني وجت صوره ايلول في عقلي ابتسمت بحقد ونضت دوشت وتوضيت واديت فروضي ولبست ونزلت زياد: صباح الخير ميسم: صباح الورد قعمز افطر زياد: توا نفطر في العمل خلود وين ميسم "بتردد": راقده ،زياد زياد: نعم ميسم: امتى نمشي لعيت عمي خالد زياد: توا لما نشوف رواد يقولى امتى بالضبط سلام توا _ طلع" زياد" وتن*دت "ميسم" بحب _____________________________ منيب"وهوا يفنص" : هي انزلى قدامي ايلول: ههههه خايف عليا مثلا ؟ رواد: كنك معاها منيب" بقهر": شيء رواد: هي خلينا نركبو _ ركبو ووراهم "ايلول" فتح" رواد" وخشو ايلول "باعجاب": محلاهن التصاميم حلو ذوقك رواد "بابتسامه":كلك ذوق بس مش انا الى مصممهن ايلول" باستغراب": من امالا منيب:وعليش اتقصقصي رواد"وهوا يشوف للباب ويضحك": اهو وراك الى مصممهن _ التفتت "ايلول" وفتحت اعيونها على وسعهن ايلول"بصدمهه":انتتت زياد"خش وكله ثقه وبابتسامه جذابه": السلام عليكم رواد ومنيب:وعليكم السلام منيب :تعرفو بعضكم؟ زياد" برفعه حاجب": عز المعرفه ايلول" بقهر": هضا الدكتور الى اسعفني اول ماوصلنا منيب: هههه من امس ونا نقول وين شايفك صار هكي رواد: به تعرفتو توا كل واحد يشوف شغله انت يا منيب امشي مع زياد توا يوريك وانا ه ناخذ ايلول س. زياد "بحده": ايلول ه تقعد سكرتيرتي الخاصه وهيا الى ه تمشي معايا? .يتبع.... بقلم:#منى_المجبري #ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه?? #متابعه_للايميل_انظمام_الى_قروب منى المجبري(روايات ليبية)+دعوه للاصدقاء #تفاعل_مهم

Free reading for new users

Scan code to download app

App Store Google Play

Facebookexpand_more