خفايا_الحب...6
1313 Words
#خفايا_الحب
#Part6
_________________
_خش" زياد" وفي يده اشكاره ،شافتله" ايلول" بخوف، حط الشكاره جنبها .
ايلول"باستغراب":شنو هضا
زياد: افتحي وتوا تعرفي
ايلول "وهيا تفتح في الشكاره": اممممم شورما العشقق
_ وبدت تاكل زي الاطفال متناسيه وجود" زياد"تماما شافلها زياد وابتسم على شكلها وكيف شعرها متناثر على عيونها باهمال
زياد" بضحكه": بشويا را تشرقي
ايلول "بِاستغراب": هوا انت تضحك زينا هكي عادي
زياد"برفعت حاجب وشاد ضحكته": شن رايك انتِ
ايلول"وفمها مليان": اصلا من اول ماشفتني وانت مكشر
زياد: لان الوقت مكنش يسمحلى نضحك وبعدين مش اي وحده تستاهل تشوف ضحكتي يا مدام وكملى الوكال الى في فمك وتفضلى احكي
ايلول" بعصبيه": أولا انا انسة ثانيا ونشرق انت شن دخلك اهو بالمره قاعدين في المستشفي
زياد" بعصبيه": الزمي احدودك وماتفكريش تستفزيني لان كله ه ينقلب ضدك يا يا حلوه ههه ووتي روحك قريب تطلعي
_ طلع" زياد "ووخبط الباب
_ايلول.... اول مره نستغرب من تعامل شخص معايا وبذات الذكور لان كلهم مع جمالى يتعبو ويقعدو غير شن تبي بس الشخص هضا غريب ، كملت اوكال وشكله بين اعيوني ،
________?روايات منى المجبري?__________
رواد"باستغراب" : من في الدار القديمه بتاع رتاج
_قرب "رواد" وفتح الباب وخش بهدوء وهوا يتنقل بعيونه في الدار بس هب جاته ضربه من حيث لا يعلم?
رواد" بصدمه": اييي
ميس"وفي يدها الاستشوار ومشطه ": انت من خاش تسرق صاح اطلع بسرعه قبل مانصرخ ونخليهم يجو يمسكوك
_رواد......التفتت على الصوت الانوثي المتوحش ولقيت بنت طولها زي اشوال للسكر تقريبا ههههه قاعدت نشوفلها وشاد ضحكتي وهيا تهدد
ميس" بعصبيه": هي انت نحكيلك
رواد" بهدوء": كملتي
ميس" بقهر": قبل قلت نسترك لكن خلاص توا نصرخ ويجوك
رواد: اولا تحقي فيا بدون دبش بيش تستريني ? ثانيا لو صرختي ه تندمي صدقيني
ميس:سخيف، كيف قصدك تبي تقتلني
رواد: ههههه منقتلش طفله حتى حرام
ميس" بعصبيه": طفله في عينك
رواد: انتِ عارفه انا من
ميس "بهبل": سراق
رواد: ومن قالك وبعدين هضا شكل سراق؟
ميس"بتفكير وتشوفله من فوق ل لوطه": بروحي قلتها لانك خاشلي بدون ما دق الباب وملامحك غريبه والحق شكلك بياع حشيش مش سراق
رواد: هههههههههه كلا انتِ مصيبه على العموم ه نقولك انا من ونريحك
ميس: ياريت تقول بسرعه لان مليت ونبي نرد نرقد
رواد: انا رواد ولد خالد ال..
ميس "بصدمه وفتحت اعيونها على الاخر": انا انا اسفه مكنتش نحسابك هوا انا..
رواد: هههههه عليش خفتي حصل خير بس تبي الحق شكلك تف*جي على روبانزل واجد لين اثرت فيك
ميس"وخدودها حمر": ههههه ممكن
رواد: معرفتينيش عليك شن اسمك
ميس: انا ميس
رواد: عاشت الاسامي واسف لان خشيت هكي كنت منعرفش بوجودك
ميس: حصل خير
_ ابتسم" رواد " وطلع لِ جناحهه وهوا يضحك، اما "ميس" ابتسمت على اهبالها وردت للنوم
______________________________
تهاني: السلام عليكم
زياد: وعليكم السلام
تهاني: امتى تطلع ايلول
زياد" بتفكير": ايلول
تهاني "باستغراب": في حاجه دكتور
زياد: ها لالا ،تقدر تطلع درتلها خروج
تهاني: بارك الله فيك تعبناك
_على طلعت "ايلول" شافت ل "زياد " يحزن
ايلول: هيا ماما خلينا نطلعو
تهاني "بخوف": تحسي بحاجه شكلك تعبانه
ايلول: مجرد ارهاق بس
تهاني: انا معندش نقال ومنعرفش مكان الفيلا
ايلول: تعرفي الوصف؟
تهاني: اها لكن المكان منعرفش نمشيله ليا فوق من 22 سنه ماجيتش لليبيا
ايلول: ياربي عارفه نطلعو ناخذو تا**ي ووصفيله اكيد يعرف الفيلا
تهاني "بحرج": بس مش معايا افلوس ليبيه
ايلول "بقهر": افففف
زياد"بتدخل": احم احم
_التفتت" تهاني "وشافت زياد اذكرت وجوده لان خشت في الحديث مع "ايلول" ونساته
تهاني: معلش دكتور نسيتك وشكرا تعبناك
زياد: هيا اطلعو معايا توا نوصلكم انا
ايلول "بعصبيه ": لالا شكرا وفر خدماتك ولقيت حل نوصلو ونسلكوه غادي
زياد"وهوا ضاغط على اسنونه": انا طالع مروح نحطكم بالمره مش لازم اتبهدلن وحتى ن**ب اجر يا انسه ايلول
تهاني" براحه": ياريت والله تكمل عقاب جميلك
زياد: الحقوني على السياره
_ طلع" زياد " ووراه "تهاني وايلول "الى قريب تبكي من القهر?
_____________________
_انضمو لقروبي الخاص
منى المجبري(روايات ليبية )
____________________
جبريل:ولدك وين
ام اشناف: مزال ما روح
جبريل: تعبني ه العيل
ام اشناف: بشويا على ولدي ومتزعلش بيش منزعلش
جبريل: ولدك وولدي ماتنسيش وبعدين كنك مقعمزه هنا
ام اشناف: تلفزيون الدار خارب
جبريل: كلمتي حد يصلحه
ام اشناف: اها وصلحو لكن ماعندش نيه انوض
جبريل : وتيتو العشاء
ام اشناف "ببرود": مشعارفه اسأل بنتك
_ طلع "جبريل" وهوا يستغفر وخش على" ميسم""و"خلود"
جبريل" باعجاب": حي على البنه تجنن من المشرف على العشاء
ميسم" بابتسامه ": انا وان شاءالله يعجبك
خلود "بطفوله": ودارت اصابع الباشا الى نحبوهن
جبريل: مشاءالله مشاءالله سلم ابنياتي وانتِ يا خلود مدرتيش حاجه
خلود: اهو مصبيه ن*درزلها وخلاص زي الراديو
ميسم: هههههههه
جبريل: به ابدي تعلمي لان في واحد متقدملك واحتمال نعطيك
_ طلع" جبريل" وصرخت" خلود" بفرح
خلود: واخيرا بنحب ونزوج
ميسم "بصدمه": مزلتي صغيره راه وشوفيه مرات ميعجبكش شن تزوجي
خلود" بهبل": حبيته من دون مانشوفه ياختشييي
ميسم "بضحكه": الى يسمعك يقول عمرها 40 سنه
خلود: فكك مني توا و قوليلي ماتعبتش من الصبح وانتِ مصبيه في المطبخ
ميسم" بحب" : عليش نتعب مفش تعب بكل
خلود" بهبل" طبعا حبيب القلب جاي
ميسم" خدودها حمر": ريحينا عاد?
خلود: هههههه يمه الحب يمهه
_________?روايات منى المجبري?__________
زياد: شن اسم صاحب الفيلا
تهاني: اسمه خالد ال..
زياد" بصدمه": خالد صاحب شركه ال..
ايلول" بخوف": تعرفهم انت
زياد" بحده": مش بس نعرفهم وعز المعرفه واقاربنا
تهاني: شن القرب
زياد: باتي تقعد مرات خالد بنت عمه وانتو شن تعرفوهم
تهاني: ولد عم راجلى، بس قولى انت زياد من
زياد" بهدوء": زياد جبريل ال... اصحاب شركه ال...
تهاني" باعجاب": مشاءالله مش مصدقه اني قاعده في سيارتك
ايلول "بقهر": وعليش من هوا يعني شخص عنده شركه زي 100 شخص
تهاني : اسكتي انتِ ماتعرفي شيء
_شافلها" زياد "من المرايا بنظره الغرور?
زياد: اهو وصلنا تفضلو
تهاني: بارك الله فيك تعبناك ربي يكثر من امثالك
زياد:تسلمي
_نزلت" تهاني وايلول" ومشي زياد
ايلول" بقهر": شويا وكنتي ه تشحتي
تهاني "بصدمه": شوفي شوفي شكل الفيلا
ايلول: مشاءالله بس ماما
تهاني"بفضول": اسكتي وتعالى نخشو
_ايلول... خشينا وجتني صدمه من جمال المنظر والورود الى في الجنان ورود من جميع دول العالم وبعدها سلمنا عليهم وخشيت لِ همس
همس : ه نعيشو ملوكك
ايلول: ماتفرحش واجد ه ناخذو شقه عن قريب
همس: وعليش شقه وقريبا عنده فيلا هك كبرها مفش فيها إلا هواوولده ياخيا يعتبروني وحده من هل الخدمات
ايلول "بضحكه": منبوش نكثرو على حد سلم وخيتي اعقلي
همس" بطفوله": نننننننن?
_____________________
_طلع "خالد و رواد و اسماعيل ومنيب" ومشو لِ "جبريل"
جبريل: منورين
اسماعيل" بفرحه": ابنورك
رواد: شن جو المستشفي يا زياد
زياد: الحمدالله لكن في حالات الله يجيرنا
خالد: نوض يا زياد خوذ رواد ومنيب وهدرزو عارفكم شباب وعندكم دواوي
جبريل: هههههه مالكم ومال هدريز الشياب
زياد" بضحكه" : حاضر
_ ناضو الشباب وطلعو في الجنان" منيب" شاف مكان خاص بالخيول مشاله اما "زياد ورواد "قعدو يهدرزو
زياد" بضحكه": مش عارف كيف كنت نكرهكك
رواد: الحق انا كنت نغار منك هههههه
زياد" باستغراب": ليش
رواد: لان من يومك لك شخصيه والكل يخاف منك نديرلك الف احساب
زياد: كل شخص وطبعه انا ليا هيبه وكذالك انت بس انت هدراز وبصارتك واجده ممكن انا يخافو مني لكن في ظهري اكيد يحكو
رواد: هههههههه متاكد الاخ
زياد:، ميهمنش حد الى في راسي نديره
رواد: صحه لك خشيت للتخصص الى تحبه
زياد: انت اداره أعمال صح؟ وشن حلمك
رواد : مهندس نفط بس انت عارف قوانين الحاج
زياد: يلا نصيبك ياباشا
رواد: اوبب اهو يجيبو في الوكال خلينا الحقو قبل مايمسحوه
زياد: ههههههه مفجوع
رواد : ههههههه الى اسمه منيب وينه
زياد: اهو على الحصان تعرف ماتريحتلش
رواد : ولا انا وربي يستر من الى جاي ولازم تشتغل معايا في الشركه راه
زياد: بس
رواد: لا بس لا شيء انا مش متريح وانت لازم تكون معانا ، انت عارف الى اسمه منيب واخته ه يخدمو في الشركهه وحاس ان نيتهم مش نضيفه
زياد" بتفكير": شن اسم اخته؟
رواد بدون" اهتمام": ايلول قالو
زياد "بضحكه وعيونه لمعن بشر": ههههههه من بكرا وتولى مكتب
رواد" باستغراب": بكرا ه تفتح شركه خالد ال... و جبريل ال... ونحنا ه نمشو من الصبح بيش نضمو الجو وباتك وباتي ه يجو مره مره لان كل واحد وراه شركته بس شن غير رايك في لحظه
زياد: ه يحلو اللعب
رواد: اي لعب
زياد: فوت وهيا ناكلو يا نصي
رواد: هي ياطيري?
_ كلمو "منيب" وخشو يتعشو
________________________
ميسم "بحب"
------------------
يتبع....
بقلم:#منى_المجبري ?
#ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه??
#متابعه_للايميل_انضمام_الى_قروب منى المجبري(روايات ليبية)+ دعوه للاصدقاء
#تفاعل_مهم
- Writer
