Nakita ni Ashleigh ang pagsulyap ni Angelo sa relong nakasuot sa palapulsuhan nito habang kapwa silang naglalakad. Katatapos lamang nilang kumain at talaga namang nabusog silang pareho sa masarap na kinain nila. Tama nga ang lalaki at masarap nga ang mga lutong pagkain sa simpleng kainan na pinanggalingan nila.
“Nabusog ka ba? Nasiyahan ka ba sa mga kinain natin?” maya-maya pa ay biglang balin at tanong ni Angelo sa kanya.
“Huh? Uhm… o-oo. Nabusog ako at nasiyahan ako sa mga kinain natin. Masarap silang lahat,” tugon niya saka siya maliit na ngumiti rito.
“Mabuti naman kung ganoon,” usal naman ng lalaki kasunod ng pagsilay ng maliit na ngiti sa mga labi nito, na para bang proud na proud ito dahil nagustuhan niya ang kinainan nila.
Maya-maya pa nang bigla naman silang may madaanan na na
