HONEY
Napakunot ang noo ko nang mapansin ko ang nakahigang si Kent sa kaniyang malambot na kama. Saktong pagpihit ko ng seradura ng pinto ay napansin kong itinaas niya ang laylayan ng kan'yang t-shirt at sinusuri ang sariling sugat sa kaniyang tiyan.
Mukhang hindi naman malaki ang sugat niyang iyon at sa tingin ko naman ay daplis lang, pero kung makaakto siya doon sa Isla ay parang tinamaan ng bala sa kaniyang bituka. Kaya pala tumanggi siya sa kagustuhan ng kaniyang mga magulang na kumuha ng private na doktor na titingin sa kaniya.
“Daplis lang pala ang sugat mo?” hindi ko mapigilang magtanong. Medyo nagulat siya at napaangat ng tingin sa akin. Dumiretso ako sa loob at Inilapag ang tasang naglalaman ng kape sa mesang nasa tabi ng kan'yang kama.
Hindi siya sumagot. Nag-iwas lang siya n
