Rafael’s pov
HINDI mapigilang mapangiti ni Rafael nang buksan niya ang laman ng maliit na kahon na ibigay ni Feonna sa kanya. Alahas ang una niyang naisip ng makita ang kahon na inaabot nito sa kanya.
“Open it,” nakangiting wika sa kanya ni Feonna. Hindi na halata ang pasa sa mukha nito. Palibhasa ay magaling ito maglagay ng make-up sa mukha. Hindi na iyon nakakapagtaka. Hindi na rin ito galit sa kanya, tila nag-iba rin ang ihip ng hangin. Naging mas malambing ito sa kanya.
Excited na binuksan niya ang maliit na kahon nang inabot sa kanya ni Feonna. Todo ang ngiti niya nang makitang susi iyon. Inangat niya ang susi at ipinakita sa babae.
“Pumunta ka sa labas,” utos sa kanya ni Feonna kaya patakbo siyang lumabas ng bahay. Ang ngiti sa kanyang labi ay hindi mawala l
