Sunod-sunod ang naging lagok ko ng tubig. Pakiramdam ko ay nanuyot ang lalamunan ko dahil sa sinabi sa akin ni Adam kanina. Nakaalis na ito at nasa loob na ako ng bahay pero hindi ako mapakali sa sinabi niya.
Bakit hindi matutuloy ang kasal nila? Anong nangyari? Saka, bakit niya sinasabi sa akin?! At bakit parang nagwawala ang puso ko dahil sa kaalaman na iyon?! Pambihira! Nagsisimula na naman akong mabaliw sa mga iniisip ko.
“Ate, ano ba ‘yan? Baka malunod ka naman kakatubig mo,” sita ni Elianna sa akin. Nanliit ang kanyang mata habang mapanghusgang tuming sa akin. Napalunok ako at muling napainom ng tubig.
“May iba talaga akong nararamdaman sa inyo niyang Adam Peñafiel na ‘yan eh. Umamin ka sa akin, Ate Eva. May something kayo ‘no?” diretsahan niyang tanong. Halos masamid ko ang ini
