TUMIGIL ang sasakyan sa tapat ng Rock Record Building. Dito kasi napili ni Hanz na mag-usap kami at nasa rooftop siya naghihintay. Huminga ako ng malalim bago nagtungo sa loob at sumakay sa elevator.
Habang tumataas ang elevator palakas nang palakas ang kalabog sa dibdib ko. Pakiramdam ko gusto nang kumawala ng puso ko sa loob ng katawan ko. Kinakabahan na natatakot ako sa magiging pag-uusap namin. Ipinagpasalamat kong ako lang ang sakay ng elevator kaya nakakapagdasal pa ako nang hindi nag-aalinlangan.
Nang tumigil ang elevator, lumabas na ako at bumungad sa akin malawak na rooftop. Sa gitna’y mayroong bubong na gawa sa trapal, may mesa at dalawang upuan. May mga pagkain na rin na naka-serve sa mesa. Sa gilid ng isang upua’y naroon si Hanz, nakatayo at mariing nakatitig sa akin.
“Bak
