“Hindi ko mapatatawad ang bruhang ’yon sa ginawa niya kay Raia.”
“Emily, tama na ’yan. Bulong ka nang bulong diyan. Nakausap na namin ang magulang ni Denise kaya hayaan na natin.”
“Ganoon na lang, Harold? Paano kung napasama ang bunggo ng babaeng ’yon?”
Naririnig ko ang boses ni Harold at Emily kaya dahan-dahan kong iminulat ang mga mata. Pero muli akong napapikit dahil sa nakakasilaw na liwanag na nanggagaling sa ilaw.
“Nasaan ako?” tanong ko. Muli kong iminulat ang mata ko at puro puti ang nasa paligid ko. Nanlalaki ang mata ni Emily nang makita ako.
“Raia!” tawag niya at lumapit sa akin. “How are you? May masakit ba sa ’yo?” tanong niya. Halata sa boses niya ang pag-aalala.
Pinakiramdam ko ang sarili ko at medyo masakit ang tagiliran at likod ko.
“Ano ba ang nangyari?” tanong
