PAGKATAPOS ko kumanta, nagpalakpakan sila at may mga tumayo pa. Yumuko ako at nagpasalamat bago umalis sa mini stage. Siyempre, ang nangunguna sa pumalakpak at may pagsigaw pa walang iba kung hindi si Emily.
“Whooo! Best friend ko ’yan!” sigaw niya at nakita kong ibinaba niya ang cellphone. Naiiling akong naglalakad palapit sa kanila. Sinalubong niya ako ng yakap.
“Congratulations! You’ve made it!” bulong niya.
“Thank you for always supporting me,” saad ko at humiwalay sa yakap niya. Ngumiti siya at gumilid para si Harold naman ang makita ko pero hindi siya kumilos para yakapin ako. Nakatitig lang siya sa akin at ang malungkot ang kaniyang mga mata. Pero napansin ko ang pagsiko ni Emily sa kaniya kaya pinasigla niya ang mukha niya at yumakap sa akin.
“Congrats, love. Sabi ko naman sa
