Madilim na ang kalangitan nang makarating kami sa probinsya nila. Inihatid lang ako ni Emily sa kuwarto na tutulugan ko at sinabihan akong maligo bago magpahinga. Kumain na rin naman kami sa biyahe kaya busog na ako. Nagpasalamat lang ako sa kaniya bago niya ako iwanan.
Nang maisarado ko na ang pinto at maiwan na akong mag-isa ay bumuhos na muli ang luha ko. Ang sakit ng katotohanan na iniwan na ako ni Hanz. Inasahan at pinaniwalaan ko ang pangako niya sa akin na hindi ako iiwan pero lahat pala ng sinabi niya ay hindi totoo.
Mahal na mahal ko siya pero bakit ganito ang ginawa niya? Sumuko na ba siya? Nagpalason na siya sa Mama niya na iwanan ako? Sinukuan na niya ako dahil sa sinabi ni Tita Camilla? Siguradong kung ano-ano na ang paninira na sinabi ni Tita Camilla kay Hanz at naniwala r
