Pilit mata at animo’y walang naririnig ang lahat ng kasapi sa grupo ni Landon kasama na roon ang mga magulang ni Eeya. Batid ng bawat isa sa kanila ang gagawin niya kanilang pinuno, na kailangan iyon upang tuluyan nilang masugpo ang kalaban.
Pilit na isinisigaw ni Eeya ang pangalan ni Isagani kahit pa hindi maliwanag sa kanya ang dahilan ay batid niyang iyon ang pangalang nais niyang isigaw, tanging nais niyang makita, tanging nais niyang magligtas sa kanya. Nilalang na alam niyang nais niyang makasama.
Nagulat na lamang si Landon at Eeya nang mabutas ang bubong ng templo na tila ba may kometang nahulog mula sa kalangitan. Nang humupa ang alikabok na kumalat sa hangin ay bumungad sa kanila si Isagani na nanlilisik ang mga mata sa galit.
Ang galit ni Landon ay lalong nadagdagan sa pagp
