MABILIS ang pagtakbo ni Sam nang makababa siya ng kotse sa harapan ng Ospital. Sa sobrang taranta niya ay hindi na niya nai-park nang maayos ang kotse niya at tumatakbo siyang pumasok ng Ospital.
Alam naman niya ang room number ng pupuntahan dahil itinawag na iyon ng Kuya Migo niya at nang makarating siya doon ay kaagad niya itong binuksan.
"Papa!" bulalas niya.
Walang malay na nakahiga sa kama ang Papa niya at ang Kuya naman niya ay napatayo sa pagkakaupo nang makita siya
"Kuya, anong nangyari? B-bakit nagkaganiyan si Papa?" nag-aalalang tanong niya sa kapatid.
"Dylan, alam na niya ang lahat nang sa inyo ni Adrienne at nag-usap na sila dahil pinuntahan mismo ni Papa ang asawa mo," tugon kaagad sa kaniya ng kapatid.
"Paano ba kasi kaagad nalaman ni Papa ang lahat?" galit na tanong
