“ANONG ginawa ko? Bakit nagpadala na lang ako kaagad sa selos ko?” tanong ni Polla sa sarili nang tuluyan nang umalis si Sam.
Nagmamadaling lumabas ng bahay si Polla at hinanap ng paningin niya ang tricycle ng asawa pero wala na talaga ito at talagang iniwanan na siya. Tumulo ang mga luha niya at napahikbi na siya na nagtuloy-tuloy sa paghagulgol.
Sobrang natatakot si Polla dahil baka hindi na bumalik ang asawa niya at tuluyan na siyang iwanan nito dahil sa pang-aaway niya rito. Ipinakita niya ngayon sa mga panunumbat niya na hanggang ngayon ay wala pa rin siyang tiwala sa asawa at basta na lang itong papatol sa ibang babae kapag may lumapit dito.
Nagtitiwala naman siya sa asawa at alam niyang mahal na mahal siya nito subalit hindi niya maintindihan kung bakit hindi niya kayang pigila
