"INGAT kayo at tawagan niyo ako kapag kailangan niyo ng pera," bilin ni Migo sa kanila ni Polla.
Nasa airport na silang mag-asawa at inihatid sila ng kapatid ni Sam at ng pinsan ni Polla. Ang Kuya na rin niya ang nagdala ng van para magamit nila papuntang airport at para sa mga maleta nila. Binigyan din siya ng pera ng kapatid para raw may magamit sila sa pag-uumpisa nilang mag-asawa sa probinsiya at kahit anong tanggi niya ay ipinilit nito sa kaniya iyon kaya wala siyang nagawa kundi tanggapin ang pera at magpasalamat sa kapatid.
Malaki-laki na rin ang perang dala-dala nila ngayon sa probinsiya at makakatulong na iyon para makapag-umpisa na sila ng panibagong buhay sa probinsiya. Simpleng pamumuhay hindi kagaya ng nakasanayan niya mula noong bata pa, na iniwanan na niya ngayon para maka
