NAKADAMA ng kaba si Polla para kay Sam. Alam niyang galit ang Tito at Tita niya sa asawa at darating talaga sa punto na ipapakita ng mga ito ang galit kay Sam pero hindi niya inaasahan na mapapaaga at sa harapan pa ng hapag-kainan. Ni hindi pa sila nakakapagpahingang mag-asawa sa pagod sa biyahe kaya hindi maiwasan mag-alala siya para kay Sam.
Gusto niyang ipagtanggol ang asawa, na hindi naman sila magtatalo magtiyuhin at naiintindihan naman niya ang Tito at Tita niya dahil alam ng mga ito ang pinagdaanan niya at sobra ang pag-aalala ng mga ito sa kaniya subalit paano naman niya gagawin iyon na hindi nagmumukhang ipinagtatanggol ang asawa.
"Kumain na muna tayo, Papa, at mamaya na iyan," dagdag na sabi ni Goldie matapos sawayin kanina ang Papa nito.
"Tito, pag-uusapan naman po namin ni S
