KINABUKASAN ay kaagad pinuntahan nina Polla at Sam ang bahay kung saan lumaki at nagdalaga si Polla. Ang bahay na tanging naiwan ng mga magulang ng asawa niya.
Kitang-kita ang saya sa mukha ni Polla pagkita pa lang sa dati nitong bahay na medyo luma na at kahit ang pintura ay kupas na. Walang gate ang bahay pero may mga puno sa paligid at medyo malayo-layo sa kapit-bahay.
“Nakaka-miss ang bahay na ito. Alam mo ba, Sam, na isa si Papa sa gumawa ng bahay naming ito at ito raw ang unang naging bahay nila Mama at Papa simula nang ikasal sila at magkaanak. Dito na rin ako lumaki at nagdalaga,” masayang kwento ni Polla sa kaniya.
Napangiti naman si Sam habang nakaakbay sa asawa. “Ito na rin ang magiging bahay natin simula ngayon at dito na rin tayo magkakaanak,” nakangiting tugon niya sa as
