“Tumahimik ka nga, Kanor! Bakit kasi nakasama ka rito? Hindi ka naman kapamilya,” baling ni Nanay sa kaniya.
“Elena, matagal niyo na akong kapamilya, simula no’ng magustuhan kita ay naging parte na ako ng pamilya niyo,” sagot naman ng lalaki. Natahimik si Nanay at napansin ko na namula ang pisngi niya bago mag-iwas ng tingin at maglakad papunta sa cottage.
Para talagang mga teenager ang mga ‘to.
Masaya ang naging maghapon namin, ang daming pagkain, halata sa mga kasama ko na sobra silang nag-enjoy lalo na sina Mang Kanor at Nanay Elena na naghahabulan pa sa dagat kanina. Sina David at Ysabelle naman ay nagsolor rin at si Ume, hindi ko alam kung nasaan na siya, ang huling paalam niya sa amin ay maghahanap daw siya ng g’wapo, hindi ko alam kung ano na ang nangyari sa kaniya.
Kami naman n
