“Tumahimik ka,” mariin pang utos nito sa akin. Kitang-kita ko sa kaniyang mga mata ang pagkamuhi habang nakatingin sa akin. “Kilabutan ka sa mga sinasabi mo. Magkapatid kayong dalawa, hindi man sa dugo o hindi pa man legal pero sa mata ng mga taong nakapaligid sa atin ay magkapatid na kayo dahil mag-asawa na kami ng Mama mo!”
“P-papa—” Sinubukan ko pa siyang tawagin pero mukhang hindi na niya ako naririnig.
“Simula palang no’ng una ay alam mong tinanggap na kita bilang ikaw. Bilang magiging bagong anak ko pero hindi ko inaakala na magagawa mo ang ganitong bagay, hindi ko maisip, Sandra, hindi ko masikmura. Nakakasuka ka,” nandidiri akong tiningnan ng lalaki. Pakiramdam ko ay ang dumi-dumi ko habang nakatingin sa mga mata ni Papa.
Nagsimula nang mag-unahan ang mga luha galing sa aking mg
