“Dahil doon lang ba, Kuya?” tanong ko rito habang nakatingin sa kaniyang mga mata. “Dahil sa nagselos ka kaya mo ginawa ang lahat ng ‘to? Alam mo ba kung gaano kasakit? Alam mo ba kung gaano kabigat dito?” tanong ko habang nakaturo sa dibdib ko. “Alam mo ba ‘yong nararamdaman ko ngayon?” May isang luhang tumulo mula sa mata ko.
“Alam mo ba ‘yong pakiramdam na nag-iisa,’yong wala kang malapitan, wala kang masandala, wala kang mapagsabihan ng gusto mong sabihin dahil alam mong hindi na maniniwala ang mga taong nakapaligid sa ‘yo, alam mo ba ‘yon?” tanong ko pa rito.
Hindi siya sumagot at nanatili lang na tahimik habang nakatingin sa akin. Agad ko namang pinunasan ang luha sa aking mga mata at matapang na tumingin sa kaniya.
“Kahit na kailan ay hindi mo mararamdaman ‘yon dahil meron kang s
