Walang asawa o anak si Nanay Elena, buong buhay niya kasi ay iginugol niya sa pag-aalaga kay Ume, in short ay matandang dalaga talaga siya pero hindi tulad ng iba, mabait si Nanay Elena, kung ituring niya ako ay parang totoo niyang anak. Nakakatuwa lang isipin na sinabi niya sa akin na kung ano ang sakaniya ay sa akin na rin, nasabi niya sa akin ang bagay na ‘yon kahit hindi naman kami magkaano-ano.
“Nako! Tigilan mo ako, Kanor! Baka gusto mong butasin ko ‘yang gulong ng tricycle mo!” singhal ni Nanay Elena bago tumalikod upang kuhanin pa ang iba niyang paninda sa loob ng bahay.
“Hay, mas gumaganda talaga siya sa paningin ko kapag nagsusungit siya nang ganiyan.” Bahagya na lang kong natawa dahil sa sinabi ng lalaki.
Si Mang Kanor naman ay may dalawang anak, ang asawa naman niya ay matag
