Ilang araw na nakulong sa loob ng Mansiyon Cruzadas si Proserpina dahil sa malakas na ulan.
Typhoon left the Philippine Area of Responsibility (PAR) yesterday at 8PM.
Dinig ni Proserpina ang balita mula sa nakabukas na telebisyon sa kuwarto niya. Nakatanaw siya sa labas ng bintana, sa mga dahong pinagkanlungan ng mga butil ng ulan nang nagdaang gabi. Maging ang berdeng damuhan ay basa pa rin. Pero dinig na niya ang mga huni ng ibon at ramdam na niya ang maaliwalas na dapya ng hangin sa kanyang balat.
Tapos na ang bagyo.
Maaari na ulit siyang lumabas ng mansiyon.
Bumaba siya at tahimik na sumilip sa kusina nang marinig niya ang boses ng mag-ina. Magkatuwang sa pagluluto ng pagkain ang dalawa. Kung anu-ano lang ang pinag-uusapan ng mga ito, pero nagsisikip ang dibdib niya sa tuwing mari
