"Ano na, Lawrence? Bakit parang sunod- sunod na yata ang pagka- badtrip mo? Ano bang problema mo?" sambit ng kaibigan niyang si Emman.
Bumuntong hininga si Lawrence at saka mariing napapikit. Badtrip na badtrip siya dahil ang babaeng nililigawan niya ay napunta na sa iba. Kung kailan balak na sana niyang magseryoso sa isang relasyon, doon pa siya naunahan ng iba.
"Alam ko na kung bakit ka nagkakaganyan. Dahil ba hindi ikaw ang pinili ng babaeng nililigawan mo?" nakangising tanong ni Emman.
Tiningnan lamang siya ni Lawrence bago tumingin sa ibang direksyon. "Bahala siya sa buhay niya. Wala na akong pakialam sa kaniya. Ang dami- daming babaeng nagkakandarapa sa akin diyan. Hindi siya kawalan," mayabang na sabi niya.
Malakas na tumawa si Emman. "Iyan ang gusto ko sa iyo! Hindi iyong nab
