"Totoo ba iyan? Walang halong joke? Baka mamaya ay big joke mo sa akin iyan ha," banta ni Red sa binata.
"Syempre totoo. Ang pagmamahal ko sa'yo ang pinakatotoo sa buhay ko. Ako mismo ang malulungkot kung big joke ito."
"Sige, manood na tayo. Matatapos na ang movie, hindi pa natin nasisimulan panoorin," natatawang wika ni Red.
"Oo nga, pati nga itong popcorn at soft drink na binili natin hindi pa natin nagagalaw," natatawang wika ni Sebastian.
"Ikaw kasi, puro ka ligaw sa akin," sisi niya sa binata.
"Ikaw naman kasi, napakatagal mo akong sagutin," nakangisi na wika ni Sebastian.
"Ikaw nga riyan. Napakatagal, bago mo ako niligawan," sagot naman niya na tumatawa. Unti-unti ay nakakasanayan na niyang sakyan ang biro at patutsada nito. "Sayang ang apat na taon."
"Oo nga, eh. Sayang nga
