Matapos ang pagbabalik ng tanaw ni Red at Sebastian sa nakaraan ay parang nakilala pa lalo nila ang isa't isa.
"Hindi na tayo nakapag-usap noon dahil inuwi ka na nila sa Pampanga nang magising ka," wika ni Sebastian sa kanya habang pinipisil ang kamay ng dalaga matapos balikan ang una nilang pagkikita. "Kinausap ako ng pamilya mo bago kayo umuwi ng Pampanga. Itinanong nila ang tungkol sa appointment mo sa akin at sinabi ko na naayos mo na iyon. Sinabi ko na lamang na mag-i-email ka na lamang ulit sa akin para maayos ang lahat. Kaso si Miss Faye Salas na ang nakausap namin. Simula noon ay siya na rin ang laging nakatoka kapag may event kayo sa Batangas," patuloy ni Sebastian at tumingin sa dalaga. "Nagkikita na lamang tayo kapag idadaos na ang event niyo sa lugar namin. Nawalan na rin ako
