“COMPLETE ORDER MA’AM. Anything else you would like to add?” tanong ng waiter ng restoran sa ground floor ng kaniyang condo kung saan dinala ni Lanie ang buong pamilya.
“Inay, pumayag na kayong lumipat dito. Paglabas ng resulta ng college entrance exam ni Leon, sigurado naman na makakapasa siya sa mga iyon.” Pagkukumbinsi ni Lanie sa ina.
“Sino na lang ang maiiwan dun sa atin? Ang bahay na pinaghirapang ipatayo ng inyong ama?” Iwas na sagot ni Aling Lina.
“Tama si Ate Lanie, Inay.” pag-ayon pa ni Leon. “Kapag andito na kaming lahat, dapat malapit lang kayo sa amin. At saka sigurado akong makakapasa sa mga pinag-eksaman ko. Mana kayo ako sa inyo!” pahabol pa nito na ikinatawa nilang lahat.
“Isa pa Inay, 'pag walang klase, o' pag weekend, madali para sa ating magsama-sama. Hindi na
