Pagdating niya sa bahay naging busy naman siya sa pag aayos ng sarili para sa party ni Ronnel, naroon si Shopia kaya nais niyang magpasikat, ayaw niyang matalbugan ng babaing iyon na inalok siya ng pera para lang iwan si Nico.
Hindi pa dumarating si Nico kaya hindi pa niya nasasabi rito ang nangyari sa coffee shop, isusumbong niya ang Joey na iyon pati na si Karina na may balak pa yatang magpauto kay Joey para lang siraan siya kay Nico. Hindi niya pwedeng ipagwalang bahala ang katulad ni Joey, may edad na ito at mukhang tuso pa, kaya mahirap pagkatiwalaan. Hindi naman din siya madaling mauto, lalo ng kakilala nito si Karina. Sa lahat ng tao sa mundo si Karina at ang madrasta niya ang pinaka hindi niya pinagkakatiwalaan, at wala siyang balak pagkatiwalaan ang dalawa. Para sa kanya, traydo
