"Hunger strike ka? Hindi ka raw kumain sabi ni Manang Elen," sabi sa kanya ng asawa. Nagkibit balikat naman siya at iritableng tumalikod iniwan nakabukas ang pintuan ng guest room.
Naiinis siya sa asawa dahil sa pagtrato nito sa kanya na parang batang walang alam, na tila ba wala pa siyang kaalam-alam kung paano protektahan ang sarili.
Tumawag sa kanya si Karina kanina para lang sabihin na nasa bahay nila si Nico. Nagpanic siya ng marinig iyon, dahil ayaw na ayaw na niyang magkausap pa ang asawa niya at si Karina, wala naman din kasing sasabihing maganda ang babaing iyon, manggugulo-manggugulo lang ito sa kanila ng asawa.
"Atasha," tawag sa kanya ng asawa, narinig niyang humakbang ito papasok sa loob ng silid, sinara rin nito ang pintuan.
Naupo naman siya sa kama kung saan siya nakau
