Nahuli ng ilang minuto ang naging paghahatid ko sa mga pagkain. Mabuti na lang ay sinundo at sinamahan na ako ni Ergos na iakyat ang mga iyon sa ikalimang palapag.
"Akala ko walang masarap na tanghalian ngayon araw. Salamat at matiyaga mo pa rin kaming hinatiran, Miarie." Saad ni Ate Sarah habang sumusubo na sa pananghalian na dala namin.
"Ate orders na ninyo ang mga ito kaya nakakahiya naman kung ikansela lang namin." Sagot ko bago sumulyap kay Ergos na abala sa pagbibigay at pagsusulat sa papel na binigay ko kanina sa kanya.
"Nakakakilig naman ang kasintahan mo, Miarie. Hindi lang gwapo, maaasahan din," kantiyaw ni Ate sa akin. "Parehas kayong swerte sa isa't isa. Bagay na bagay talaga." Uminit ang pisngi ko dahil doon.
Sa tuwing may ibang tao na ang nagsasabi ng ganitong bagay ay hi
