Chapter 22
Biglang nanlamig ang mga pisngi ni Pennee nang makita ang pares ng sports wear sa sandaling pumasok siya sa dressing room. "S-sandali, 'yan ba talaga ang isusuot ko, Miss Gayna? Baka nagkapalit kami ng contestant number five," alanganing wika niya sa babaeng facilitator na nag-akay sa kanya sa silid. Kahit tumuloy na ito, siya ay nananatiling nakatayo sa pinto—tila nakadikit na ang mga paa niya roon. "Of course, dear. Ito ang isusuot mo. Ako pa nga ang personal na pumili nito sa 'yo dahil alam kong bagay na bagay sa hubog ng katawan mo," may pagmamalaking saad ni Miss Gayna. Kinuha niya ang naka-hanger na damit mula sa stand nito at iniladlad sa harap ng dalagita. Pakiramdam ni Pennee ay malulusaw ang kanyang paningin, gayunman hindi niya magawang kumurap sa damit. It was a fuschia pink
- Writer
