Tahimik pa rin ang buong bahay nang magising si Karah kinabukasan.
Halos hindi siya nakatulog buong gabi.
Paulit-ulit na bumabalik sa isip niya ang mga dokumentong nabasa niya.
Ang mga pangalan.
Ang mga petsa.
At higit sa lahat—
ang pangalan ni Don Brixton Valerioso.
Dahan-dahan siyang bumangon mula sa kama habang mabigat ang pakiramdam ng kanyang dibdib.
Gusto niya talagang maghiganti agad.
Ngunit habang mas lalo niyang iniisip iyon—
unti-unting bumalik sa kanya ang realidad.
Hindi basta-bastang tao si Don Brixton.
Isa ito sa pinakamakapangyarihang negosyante sa bansa at maging sa ibang bansa. Kilalang-kilala na niya ito. Isa itong mapanganib na mafia boss ng sariling Valerioso clan.
May maraming pera.
May maraming negosyo.
At may napakaraming koneksyon.
At higit sa lahat—
