Kung meron mang nakapansin sa pagiging maadikaso sa'kin ni Yudz ay walang nagkomento tungkol doon.
Mukhang sanay na nga ang mga kasamahan namin sa away-bati naming routine.
Wala ngang nagkomento pero meron namang isang masama ang loob at iyon ay si Nica, ang kaibigang kawayan ni Yudz.
Masyadong halata ang tila pagpapapansin nito para makuha lang ang atensiyon ni Yudz.
"Look here, Yudz! Ang cute ng starfish!"
Hindi ko mapigilan ang pag-ikot ng mga mata ko nang muli na namang umeksena ang bida-bidang si Nica.
Kung makaasta ay parang hindi nakatira sa isla kaya first time lang nakakita ng starfish. Kahit nga ako na lumaki sa siyudad at kailangan pang dumayo para makapag-beach ay hindi na ignorante sa starfish, pero ang babaeng ito na mukha namang stickfish ay manghang-mangha!
Ang art
