Larisa POV
Natawa naman si Pixie sa sinabi ko. Sanay naman na kami. Iba’t ibang paa. Iba’t iba rin ang pabango nila sa paa.
Sa trabaho namin, kailangan namin na tiisin lahat. Hindi lang pang-amoy namin. Pati na rin itong pagtayo namin. Walong oras ka ba naman nakatayo. Hindi sa nagrereklamo ako pero ganun na nga. Haha.
Pero kailangan ko magtrabaho. Kailangan ko ng pera para mabuhay kami ni Legend.
Speaking of Legend? Kumusta na kaya ang pag-apply niya?
“Larisa… Larisa…” Tawag sa akin ni Pixie.
Hinigit niya ako na para kaming nagtatago.
“Ano ‘yun? May customer na?” tanong ko sa kanya.
May itinuro siya gamit ang nguso niya. Lumingon naman ako sa kung saan na direksyon siya nakatingin. Nakita ko si Mr. Yabang. Kakarating lang niya.
“Mukhang bad mood si sir,” natatakot na sabi ni Pixi
