Pagkatapos naming kumain ay inihatid niya na ako sa kumpaniya. Hanggang sa opisina ko ay inihatid niya pa ako kaya naman panay ngisi sa akin ni Julie. Pag-alis ni Paulo ay sumunod na pumasok sa akin sa opisina si Julie. May dala itong mga folders na paniguradong nangangailangan na naman ng pirma ko.
“Grabe talaga ‘yang si Sir Paulo, nakapa-sweet. Hinatid ka pa talaga rito.”
Mahina akong natawa nang makita ang hitsura ni Julie habang nagsasalita. Matagal-tagal ko na ring sekretarya itong si Julie pero wala man lang akong alam tungkol sa lovelife niya.
“Ikaw ba Julie, wala pang boyfriend?” curious na tanong ko sa kaniya nang abutin ko ang hawak niyang folder.
Ngumisi siya sa akin at pinaningkitan ako ng mata.
“Bakit Miss Rachelle, curious ka na bas a lovelife ko ngayon?” nakangising t
