Mabilis akong lumabas ng classroom at nagtungo sa may elevator. Dahil sa nangyari ay tinatamad na akong pumasok ngayong araw. Didiretso na lang ako sa opisina ko sa kumpanya at doon magpapalipas ng oras.
“Rachelle!” dinig kong tawag sa akin ni Kate na hanggang ngayon ay nakasunod pa rin sa akin.
Huminto ako sa paglalakad para bumaling sa kaniya. Tumaas ang kilay ko nang makita kong dala rin niya ang kaniya bag. Don’t tell me may plano rin siyang umabsent ngayong araw? Or worst ay sasama siya sa akin? Oh no, this is what I don’t like having people around me. Nakakadismaya.
“Bakit ka sumunod?” tanong ko sa mahinahong paraan. Gustuhin ko mang sungitan siya, hindi ko ginawa dahil naisip ko baka may rason siya kung bakit niya ako hinabol.
Napayuko siya at napakamot sa batok saka nagsalit
