Ayokong umasa at baka sa huli ay masaktan ako. Inaamin kong crush ko na nga si Ares. So, ganito pala ang totoong Ares? Ang galing no, nakita ko muna ang kanyang red flags side bago ang kanyang green one? Masasabi kong sobrang caring pala nito. Nakakatakot ang ipinakita niya sa akin ngayon, paano na lang kung tuluyan na akong mahulog? Possible kayang sasaluhin ako nito?
"Mukhang ang lalim ng iniisip mo?" untag sa akin ni Ares. Saka lang ako bumalik sa reyalidad. Malayo na pala ang narating ng aking isipan.
"Ha, a...e, may naalala lang ako," nakangiting sagot ko na medyo nauutal. Ramdam ko ang mabilis na pagtibok ng aking puso. Saan kaya ako dadalhin ni Ares?
"Marami akong dapat na ipagpasalamat sa Diyos at sa iyo, lalo na sa pag-aalaga mo kay Adam." Napasulyap ako kay Ares na ang atensyo
