Axelle’s POV
Natahimik siya at hindi agad nakapagsalita. Napatiim bagang, halatang hindi inaasahan ang naging tugon ko. Nakatitig lamang siya sa mga mata ko. Kay lamig ng mga titig na pinukol niya sa ‘kin. Dama kong hindi niya nagustuhan ang lumabas sa bibig ko.
“Hindi sa pinagbabawalan kitang uminom, Axe pero sana ‘di mo na uulitin,” napilitan akong mag-alis ng tingin kay Kuya Izzie at binaling ang atensyon kay Ate Cassy. “‘Di mo maiaalis sa ‘kin na mag-alala bilang nakakatanda mong kapatid.”
“Sorry, hindi na po,” tipid kong tugon saka nagpatuloy sa pagkain.
Lulan ulit kami ng sasakyan ni Kuya Izzie.
“Babe, could you please stop at the nearest ATM? I just need to withdraw some cash quickly,” saad ni Ate.
“Sure, babe,” mabilis na tugon ni Kuya Izzie.
Agad namang may nadaanang AT
