Axelle’s POV
Dumiretso ako sa loob ng banyo. Doon ko binuhos ang sama ng loob na nararamdaman ko. Pakiramdam ko napakababa kong klase na babae. Pakiramdam ko hindi ako karespe-respeto.
Nag-angat ako ng tingin at napatitig sa sarili ko sa salamin. Luhaan ang mukha, magulo ang buhok, I look so miserable.
“Anong Iniyak-iyak mo d’yan? Ikaw ang may gusto n’yan ‘di ba? Ginusto mo ‘yan para sa sarili mo kaya mag-tiis ka!” Sita ko sa sarili. “Hindi ka ba nagsasawang umiyak? Kay lakas ng loob mo mang-agaw. Kay lakas ng loob mong manira ng relasyon ngunit kay hina ng puso mo! Wala ka pala, eh! Nararapat lang naman sayo ‘yung ginawa sayo dahil mang-aagaw ka naman! Homewrecker! Now you're dealing with the consequences of your actions, iiyak-iyak ka?”
Inis na pinunasan ko ang mga luha sa pisngi ko
