Axelle’s POV
Tumunog ang phone niya. Inalis niya ang atensyon sa ‘kin. Nilabas niya ang phone mula sa bulsa ng suot niyang itim na slacks, sinagot niya ang tawag at parang walang nangyaring nilayo niya ang sarili sa ‘kin.
“Cecil, bakit?” Saad niya sa kabilang linya. Sinundan ko siya ng tingin. Pinihit niya ang doorknob ng pinto ng kwarto niya at pumasok sa loob nito.
Nang mawala siya sa paningin ko, wala sa sariling napahawak ako sa bandang dibdib ko at napatitig sa pintong nakasarado. Kay lakas ng bawat sipa ng puso. Hindi ko mapigilang mag-alala para sa sarili dahil sa sinabi niya. Hindi ko alam kung anong plano niya sa ‘kin ngunit isa lang ang sigurado ako, seryoso siya sa sinabi niyang sisingilin niya ‘ko at gagawing impyerno ang buhay ko dahil hindi kailanman nagsisinungaling ang
