NAGTAGPO ang kanilang mga mata sa pagtingin niya rito. Nagbalik ang katahimikan sa loob ng silid na iyon sa saglit na pagtigil nila sa pagsasalita. Liban pa roon mistulang huminto ang pagtakbo ng oras kaya nagkaroon silang dalawa ng pagkakataon na pag-aralan ang kinang ng kanilang mga mata. Nagkasabay ang kanilang mga paghinga na para bang magkarutong ang kanilang mga katawan. Wala siyang ibang naririnig kundi ang pagtibok ng kaniyang puso. Natapos lamang ang kanilang pagtitigan na dalawa sa pagtunog ng cellphone nito. Napaupo na lamang siya sa gilid ng trey at hinawakan ang kutsara. Pumayag na lamang siya sa gusto nito bilang ganti sa mga nagawa nito sa kaniya.
Inilabas nito ang cellphone mula sa bulsa't tiningnan lamang iyon na hindi sinasagot ang tawag. Pinatay na lamang nito ang cellp
