MASYADONG malaki ang bahay ng magulang ni Aristhon. Makikita pa rin ang itaas nito kahit sa labas sa kabila ng mataas na pader na nakapaikot dito. Sa pagpasok ng sasakyan sa malapad na tarangkahan ay napapalingon siya sa likuran kung saan natatanaw niya ang bubongan ng bahay ng kaniyang ama. Hindi niya lubos akalain na magkalapit lang tirahan ng kanilang mga magulang ni Aristhon. Tumuwid lang siya nang upo sa pagpisil ni Arishton sa kaniyang hita. Nang sulyapan niya ito'y gumuhit ang matalim na ngisi sa mga labi nito. Dahil dito siniko niya na lamang ito sa tagiliran. Nakalimutan niyang papagaling pa lamang ang tahi nito. Mabuti na lamang hindi gaanong malakas ang pagsiko niya rito. Nasapo na lamang nito ang tagilirang nasaktan na siya ring pagbaling niya ng tingin sa labas. Napapaikutan n
