NANATILI siya sa loob ng kuwarto na iyon sa loob ng isang araw pa bago siya balikan ng tauhan ni Rustom. HIndi siya nakakapagligo kaya nangangamoy siya dahil sa pumanghinga ihi. Nagrereklamo na rin ang kaniyang tiyan sa kawalan ng mailaman doon, naririnig niya ang pag-ungol niyon para sabihin sa kaniya na kailangan na niyang kumain. Hindi naalis sa mukha ng tauhan ang ngisi. Tuwang-tuwa ito sa kaniyang sitwasyon. Hindi niya binibigyang pansin ang pagngisi nitong iyon nang ipakita rito na hindi siya nahihirapan kahit na naglalagkit ang kaniyang pakiramdam. Iniwan nitong nakabukas ang pinto kaya kita niya ang pasilyo.
"Balita ko'y balak mong sumali sa amin?" ang naitanong nito sa kaniya. Inalis nito ang lubid sa isa niyang kamay. "Huwag mong subukang kumawal. Hindi ako magdadalawang-isip na
