MATAPOS ngang makapag-ihi si Aristhon bumalik na rin naman sila ng kama. Kahit sa pag-upo nito sa higaan ay inalalayan niya pa rin ito. Binitiwan niya lamang ito nang naiakyat na rin nito maging ang paa nito. Itinabi niya kapagkuwan nang maayos ang bakal na lagayan ng dextrose. Sa pag-alis niya ng kamay sa malamig na bakal nakatitig ito sa kaniya. Pinagsalubong niya ang dalawang kilay dito na ikinakunot ng kaniyang noo. Pakiwari niya ay mayroong gustong ipahiwatig ang klase ng tingin nito nang sandaling iyon, pinagmamasdan maging ang kaniyang kaloob-looban. Kung sasabihin nito ang nilalaman ng isipan nito nang sandaling iyon, pihadong hindi niya magugustuhan. Sumilay pa nga ang isang ngiti sa mga labi nito kaya nasabi niya talagang hindi siya nagkakamai sa naiisip. Imbis na alamin pa kung
